Ndlovukati Labotsibeni Gwamile Mdluli
Indlovukati Gwamile italwa nguMvelase lobekasikhulu sebakaMdluli.
Kungena ebukhosini [hlela]
uLaMdluli watsatfwa yinkhosi Mbandzeni waba ngulenye yemakhosikati akhe.Ekukhotsameni kwenkhosi Mbandzeni kwakhetfwa Mahlokohla kwekutsi atasatse bukhosi,Labotsibeni wase uba Yindlovukati.
Kepha naye Mahlokohla akabusanga sikhatsi lesidze ngobe kwatsi asenaleyimfica ayinkhosi wase uyakhotsama ngemnyaka wa-1899.
kwabe sekubekwa Nkhotfotjeni lobekaseliswane ngaleso sikhatsi,wabanjelwa ngiyo indlovukati Labotsibeni.
Ngiso lesikhatsi lapho indlovukati yabonakalisa khona emandla kanye nesibindzi sayo.Umhlaba lomkhulu wemaSwati bowusetandleni tebelumbi.indlovukati yakhipha emajaha kutsi ayosebenta etimayini teligolide kute kutsengwe umhlaba kubelumbi.
Lesinye sinyatselo leyasitsatsa indlovukati kwaba sekucoca timali tekwakha sikolwa lapho Umntfwanenkhosi Nkhotfotjeni abetawufundza khona emabanga laphasi.Watsi nakacedza lapho wamedlulisela eLovedale ekolishi kulemaChosa,lesento sahhungatelisa live kutsiwa indlovukati imusa khashane kangaka umntfwanenkhosi kute batekwati kumbulala.
Ngemnyaka wa-1922 Labotsibeni wanikela tintsambo kuye Nkhotfotjeni lowetsiwa laSobhuza Wesibili.Wabitwa ngulabadzala ngemnyaka wa-1925.
Similo sakhe [hlela]
Labotsibeni abengumuntfu lonelulaka .ngendlela abenelulaka ngayo bekutsi nalomisile kutsiwe uvimbe litulu ngalokuba lishobolo.kwatsi nobe iMbabane umfula sewubovu ngenca yekumbiwa kwensimbi kwatsiwa nguye uyinyatsele yadvungana yaba bovu.Kwesibili Labotsibeni abenesibindzi,ngesikhatsi abambele ingonyama Sobhuza II bekusikhatsi lesibi lapho khona tive temdzabu beticindzetelwe tingenalo livi,kepha yena wakwati kusibutsa sonkhe sive semaSwati asigcine sibumbene.
