Benjamin Moloise
Malesela Benjamin Moloise ( c. 1955 – 18 Imphala 1985) bekasonkondlo kanye nesishoshovu setepolitiki saseNingizimu Afrika. Moloise waboshwa wabese uyalengiswa ngesigwebo sentsambo ngemuva kwekubulala liphoyisa lembuso wencindzetelo Phillipus Selepe lelasita ekutfumbeni emalunga lamatsatfu e African National Congress (ANC). Kusuka eSoweto, Moloise wasebenta njengemgcokisi ngaphambi kwekutsi agucukele enkondlweni ngesikhatsi agwetjwe kufa . Ngemnyaka wa 1983, Moloise waboshwa ngekubulawa kwa Phillipus Selepe ngemnyaka wa 1982, liphoyisa lelimnyama letekuphepha Nanobe ekucaleni avuma kutsi wabulala, ngemuva kwesikhatsi wasihocisela emuva lesitatimende ngesikhatsi agwetjwa. Sigwebo sentsambo saMoloise savusa intfukutselo kuvelonkhe kanye nemhlaba wonkhe futsi sabonakala njengeluphawu lwekucindzetelwa ngesihluku kweNingizimu Afrika kwetishoshovu letilwa nelubandlululo .
Kulo lonkhe licala la Moloise, kwavela tinsolo mayelana nekuba semtsetfweni kwebufakazi lobumelene naye, buciniso bekuvuma kwakhe, kanye nekulunga jikelele kwalenchubo. Ngemuva kwekwala kwemusa noma kugwetjwa kabusha nguMengameli PW Botha, Moloise walengiswa ngentsmbo ePretoria Central Prison ngo 1985. Kubulawa kwakhe kwavusa tiphitsiphitsi eJozi, imibhikisho kanye nasemadolobheni lamakhulu emhlaba.
Sigwebo sentsambo
[hlela | edit source]Ngebusuku bangaphambi kwekulengiswa kwa Moloise, emasotja atungeleta aphindze ashaya likhaya lamake wakhe ngegesi lekhipha tinyembeti eSoweto ngesikhatsi semlindzelo. Tinhlangano temhlaba wonkhe nabohulumende bacela kutsi Moloise akhululwe, kantsi lusha lolungaba ngu-300 labutsana ekhaya kabo Moloise. Priscilla Jana watsi bekavakashele lendlu namake wa Moloise Polina, kuphela kutfola sicondziso sekutsi yena na Robert Moloise bavakashele esiteshini semaphoyisa sendzawo. Njengobe betama kuchumana netiphatsimandla, babona emasotja lahamba ngetimoto letihlomile atungeleta lendlu futsi ayalela lusha lolubhikishako kutsi luhambe. [1] Nanobe Jana acinisekisa kutsi lomhlangano bewutawuba nekuthula, emasotja ahlala angavumi, akhanyisa lendzawo ngemalambu lakhanyako futsi amemetela kutsi lomhlangano awukho emtsetfweni ngetipikha . Ngaphambilini, Pauline, ngemuva kwemhlangano wakhe wekugcina nendvodzana yakhe, wetfula umlayeto wakhe: inkholelo yekutsi ngalelinye lilanga iNingizimu Afrika itawubuswa bantfu bayo labamnyama, nekutsi labo labatinikela ngekuphila kwabo benta njalo ngenca yenkhululeko. [1] Pauline waphindze watsi Moloise utawuhamba aye esigodvweni ahlabele ingoma lehlonipha iNhlangano Yesive Yase-Afrika kanye nemholi wayo lodzingisiwe, Oliver Tambo .[2] [1]