DJ Tira

From Wikipedia

Mthokozisi Khathi (24 Ingci 1976), lowatiwa ngeligama lakhe lelisesiteji lelitsi DJ Tira, ngu-DJ wase Ningizimu Afrika, umkhiciti wemarekhodi kanye nemculi waseKwaito. Wasita ekutfutfukiseni luhlobo lwemculo we-Gqom.

Khathi waphumelela kumncintiswano we-Smirnoff SA DJ Knockout ngemnyaka wa-2000 wase ukhulula i-albhamu ye-Real Makoya ngemnyaka wa-2001. Ulilunga lelicembu lemculo lase Ningizimu Afrika, Durbans Finest. Tira wasayina sivumelwano sekubhalisa ne-Kalawa Jazmee ngemnyaka wa-2005 wase usungula lirekhodi lakhe le-Afrotaiment ngemnyaka wa-2007. I-albhamu yakhe yekucala i-Ezase Afro Vol:1 (2008), yaba yimphumelelo kutekutsengiswa.

I-albhamu yesine yaTira 21 Years Of DJ Tira (2020) yatfola sitifiketi se-platinum yi-Recording Industry of South Africa (RiSA). Le-albhamu ifaka ekhatsi tingoma letisetulu "Nguwe" kanye "Uyandazi". I-albhamu yakhe yesihlanu, i-Rockstar Forever (2021), yacala kuba yinombolo 1 ku-iTunes chart. Khathi bekangumehluleli lovakashile ku-TV talent show 1s and 2's (2021).

Imphilo yakhe yasebuntfwaneni[hlela | edit source]

Khathi watalelwa eKwaHlabisa Village, KwaZulu-Natal, futsi umndeni wakhe watfutsela eThekwini nga-1979. Khathi wafundza eMlokothwa High School waphindze wabhalisa eNyuvesi yaseNatal nyalo leyatiwa ngekutsi yi-UKZN ngemnyaka wa-1995, afundza ngemisebenti yebantfu.[1][2]

Umsebenti wakhe[hlela | edit source]

Khathi wakha sifiso sekuba yi-DJ ngesikhatsi aseyunivesithi, ngesikhatsi acala kudlala njenge-DJ nga-1996. Ngemnyaka wa-2001, wakhulula lirekhodi lakhe lekucala lelibitwa ngekutsi yi-Real Makoya, le-albhamu lehlanganisiwe na-DJ Khabzela. Ngemnyaka wa 2005, wasayina sivumelwano sekubhalisa ne Kalawa Jazzmee. Wasungula licembu lelibitwa ngekutsi yi-Tzozo En Professor kwatsi ngekuhamba kwesikhatsi wasungula i-Durbans Finest kanye ne-DJ Sox lebeyiphindze ibe ngaphansi kwe-Kalawa Jazmee Records.[1] Tira kanye ne-Sox bakhipha ema-albhamu lahlanganisiwe labitwa ngekutsi yiDurbens Finest.

Imphilo yakhe[hlela | edit source]

DJ Tira ushade naGugu Khathi futsi banemadvodzana lamabili nendvodzakati yinye. DJ Tira nemkakhe babamba umcimbi we-Umabo (umcimbi wesintfu wemaZulu) ekhaya lakhe eKwaHlabisa, eKwaZulu-Natal.

  1. Cite error: Invalid <ref> tag; no text was provided for refs named zalebs
  2. Cite error: Invalid <ref> tag; no text was provided for refs named tvsa