Emasiko
Emasiko yinhlanganisela yendlela yekuphila yesive ngesive emhlabeni wonkhe jikelele. Leligama lelitsi emasiko lifaka ekhatsi inchubo ekhaya nasemangweni, inkholelo, indlela lokugcokwa ngayo kuleso sive(imvunulo), indlela lokwakhiwa ngayo nalokumiswa ngayo emakhaya,nekudla lokudliwako. Akagcini lapho emasiko,aphindze afake indlela lesive lesitsatsana ngayo, indlela lesihlonipha ngayo kufa, kute kufike nasemicimbini yalesive yekutijabulisa. Loku kufaka ekhatsi emakhono alesive ekucamba nekusungula tinkondlo taso temdzabu, tingoma tabo temdzabu, tinganekwane, tisho, tiphicaphicwano nemidlalo yalesive yemdzabu. Eswatini live lelinotse kakhulu ngemasiko nemihambo. Evenikati le-Afrika nasemhlabeni jikelele lelive lihamba embili ngemicimbi nemikhosi yalo lekhanga emakhulukhulu etivakashi emhlaba jikelele. Kusekunyenti lesingakusho ngemasiko aleso naleso sive, kepha tsine lapha ka-Wikipedia sifise kuphakamisa nekugcamisa emasiko esive semaSwati, lesiseNtansi ne-Afrika.
Emasiko Eswatini
[hlela | edit source]Emasiko Eswatini atinhlangotsi letinyenti.