George Wajackoyah
George Luchiri Wajackoyah ungusomabhizinisi lohlala eNairobi, eKenya futsi ungumkhankasi wetembusave lotimele. Wajackoyah uphindze abe ngumengameli welicembu le-Roots Party yaseKenya lelisekela imitsetfo lehambisana nekwenta emtsetfweni insango eKenya . Wacale wamemetela kutsi ufuna kuba ngumengameli ngemnyaka wa 2012 . Wajackoyah uphindze abe ngumsunguli we Luchiri & Co. Advocates futsi usebente njengemmeli lokungenani iminyaka lengu-25.[1]
Imphilo yakhe yasebuntfwaneni[hlela | edit source]
Wajackoyah watalelwa endzaweni yase Indangalasia eceleni kwase Mumias, eWestern Kenya ngemyaka yabo 1959 noma 1961 endzaweni yaseJinja. Sive sakhe sivela eLuhya. Babe wakhe bekabitwa ngekutsi nguTito Olilo Jakoya kantsi make wakhe bekabitwe ngekutsi nguMelenia Makokha. Washiywa aneminyaka lelishumi nesitfupha ngemuva kwekwehlukana kwebatali bakhe futsi wagcina sekangumfana wasemgwacweni eNairobi ngaphambi kwekutsi umuntfu lowamfiselako amsite futsi akhokhe imali yakhe yesikolwa. [2]
Imfundvo[hlela | edit source]
Ngemuva kwekuphotfula esikolweni lesiphakeme, Wajackoya waphindze waphotfula njengeliphoyisa ngemuva kwekufundza ngebuphoyisa kanye neluphenyo lwebugebengu eKenya Police Training College eKiganjo. [3]
Tepolitiki[hlela | edit source]
NgaJuni 2022, Wajackoyah wavunyelwa yi-Independent Electoral and Boundaries Commission kutsi abe ngumsiti we-Roots Party yaseKenya elukhetfweni lwaMengameli waseKenya lolutawufika mhlaka 9 Ingci 2022. Umlingani wakhe nguJustina Wambui Wamae.