Inkosi Misuzulu Zulu
Misuzulu Sinqobile kaZwelithini Zulu (watalwa mhla tingu-23 Inyoni 1974) yiNkhosi lebusako yeSive semaZulu kanye neNkhosi ya KwaZulu-Natal. Misuzulu uyindvodzana yesibili lendzala lesaphila yeNkhosi Goodwill Zwelithini kaBhekuzulu, kanye neMfati Lomkhulu, Indlovukati Mantfombi Dlamini Zulu. Misuzulu waba yindlalifa lecabangako ngemuva kwekushona kwababe wakhe mhla tinge-12 Indlovulenkulu 2021.[1]
Noma nje abekwa ngalokusemtsetfweni njengenkhosi yesive semaZulu mhla tingu-7 Inkwenkweti 2021, kubekwa kwakhe ngekwesintfu akuzange kwenteke kwaze kwaba ngumhla tingu-20 Ingci 2022. LeNkhosi yabekwa umchele futsi yamukelwa nguHulumende mhla tingu-29 Imphala 2022.
Imphilo yemuntfu sicu kanye nemfundvo
[hlela | edit source]Inkhosi Misuzulu yacedza sikolwa sayo semabanga laphansi e- Eswatini, live lakubo make wakhe, futsi ngemuva kwesikhatsi waya esikolweni lesisetulu eNingizimu Afrika e Charles College, ePietermaritzburg. Ngenyanga yeNkhwenkhweti mhlaka 6 2021, lilanga ngaphambi kwemngcwabo wamake wakhe, iNkhosi Misuzulu washada nentfombi yakhe lebeyitsandzana nayo sikhatsi lesidze, Ntokozo Mayisela. Laba lababili bahlangana ngenyanga yeNgci 2009 ngesikhatsi semshado wasebukhosini wadzadzewabo weNkhosi Misuzulu, iNkhosatana Bukhosibemvelo kanye naSipho Nyawo lobekangumphatsi weTransnet, eTingadzeni Tetitjalo taseThekwini. [2]
Ngelilanga lemashumi lamatsatfu nakutsatfu Inkwenkweti 2021, iNkhosi Misuzulu yatfumela sitfunywa ekhaya laMayisela kutsi siyokhulumisana futsi sikhokhe li lobola ngekwelisiko lemshado wemaZulu. Leli lobola kwabikwa kutsi linetinkhomo letisiphohlongo kanye netinkhulungwane letimashumi lasihlanu temaRandi aseNingizimu Afrika. [3]
Leminye mibiko ibika kutsi unesicu sekufundzela emave emhlaba, kantsi leminye itsi usaphishekela lesicu, eJacksonville, eFlorida. Unebantfwana lababili nemkakhe, Ntokozo Mayisela, kanye nalomunye umntfwana neNkhosatana Wezizwe Sigcau webukhosi ba amaMpondo.
Uphindze futsi abe ngumzala weNkhosi yase-AmaRharhabe Jonguxolo Sandile.
Noma nje abeyindvodzana yesitsatfu lendzala lesaphila yeNkhosi Goodwill Zwelithini, kungena kweNkhosi Misuzulu esihlalweni sebukhosi akuzange kwenteke ngekushesha. Emlandvweni, kubekwa kweNkhosi Misuzulu esihlalweni sebukhosi bekumele kutentekele, kepha uMbuso wemaZulu nyalo sewutitsatsa njengembuso wemtsetfosisekelo, umholi wawo kumele abekwe. Umfati Lomkhulu weNkhosi Goodwill Zwelithini, iNdlovukati Mantfombi Dlamini, wabekwa kutsi abe ngumbusi ngesikhatsi sembuso futsi, mhla tinge-24 Indlovulenkulu 2021, iNkhosana Mangosuthu Buthelezi yakhipha sitatimende egameni leMndeni wasebukhosini wakwa Zulu letsi lenkhosi lensha itawumenyetelwa kuphela ngemuva kwetinyanga letitsatfu tekuzila. Intsandvo yeNkhosi Goodwill Zwelithini yaniketa iNdlovukati Mantfombi umsebenti wekubeka inkhosi lelandzelako.[4]
Ngemuva kwekushona kwababe weNkhosi Misuzulu, tati temlandvo kanye netingcweti temasiko tasolela kutsi iNkhosi Misuzulu nguye lotawubekwa esihlalweni sebukhosi, njengoba abeyindvodzana yeNkhosi leshonile kanye neMfati Lomkhulu weNkhosi leshonile, loku kumnika sikhundla lesinemandla emkhatsini walabanye bantfwana beNkhosi leshonile labangemashumi lamabili nesiphohlongo. Ngaleso sikhatsi, lamanye emalunga lamakhulu emndeni wasebukhosini abita lenkulumo-mpikiswano ngalokuphindziwe ngekutsi "sikhatsi sisengakafiki". Emngcwabeni weNkhosi Goodwill Zwelithini, dzadzewabo wenkhosi leshonile, iNkhosatana Thembi Ndlovu yaveta kutsi umndeni wasebukhosini bewungati kutsi ngubani inkhosi lelandzelako nekutsi loyo muntfu "utawukhetfwa nguNkulunkulu".[5]
Ngenyanga ya Mabasa mhla tingu-29 emnyakeni wa 2021, cishe ngemuva kwemaviki lasikhombisa kwekushona kweNkhosi Goodwill Zwelithini, iNdlovukati Regent Mantfombi Dlamini yena lucobo lwakhe washona ngekugula lokungakacaciswa kahle, ngaphandle kwekubeka esidlangalaleni inkhosi lelandzelako yakaZulu. Nomakunjalo, mhla tingu-7 Inkwenkweti 2021, ngesikhatsi kufundvwa emmangweni incwadzi yeNdlovukati leshonile, kwavela kutsi ubeke iNkhosi Misuzulu njengenkhosi lelandzelako yesive semaZulu. Lesimemetelo sahlangabetana nekubhikisha lokuvela kumalunga latsite emndeni wasebukhosini futsi iNkhosi Misuzulu, lebeyikhona ngesikhatsi kufundvwa lencwadzi yekufa, yaphekeletelwa yaya endzaweni lephephile yiNkonzo Yemaphoyisa aseNingizimu Afrika kanye nemininingwane yekuphepha levela e -Eswatini . [6]
Imitfombo yelwati
[hlela | edit source]- ↑ Cite error: The opening
<ref>tag is malformed or has a bad name. - ↑ Cite error: Invalid
<ref>tag; no text was provided for refs named "Misuzulu Zulu". - ↑ Eight cows and R50 000 cash lobola for new Zulu queen Ntokozo Mayisela
- ↑ King Misuzulu kaZwelithini's speech - and why it has foreigners in South Africa worried
- ↑ Misuzulu Zulu Biography: Age, Wife, Children, Education, Career, Meeting With Nombuso Zulu -Pindula
- ↑ Cite error: Invalid
<ref>tag; no text was provided for refs named "thesouthafrican.com".