Khuluma:Tinkhulisa
Ngeta sihlokoTinkhulisa tikolwa tekucatfutisa bantfwana ikakhulu labasukela eminyakeni lemibili kuya eminyakeni lesihlanu. Leligama ngekwalo lisebunyentini. Bunye balo "yinkhulisa" nobe "inkhulisa". Kubalulekile kutsi bantfwana bayiswe etinkhulisa ngesikhatsi lesifanele. Esikhatsini lesinyenti sikhatsi lesifanele kuba kulapho umntfwana asalubambile lulwimi lwakhe lwekucala nobe lwekutalwa. Loku kusita ekutseni kungakhandzakali kutsi lulwimi lwekutalwa lwemntfwana selwecelelwa ngelwekuhamba nobe lolungesilo lwakhe lwekutalwa. Ngaleso sizatfu kubalulekile kutsi batali babayise etinkhulisa nasebalubambile lolulwimi lwabo lwekutalwa. Luphenyo luyagcizelela kutsi bantfwana bafundza kancono lolunye lulwimi nasebalubambile.
Bothishela basetinkhulisa
[edit source]Bothishela basetinkhulisa kumele kube ngulabaceceshelwe lomsebenti lomkhulu kangaka. Akusiko malula kucatfutisa umntfwana nobe kumfundzisa lutfo tsite. Kudzinga lutsandvo nesineke lesikhulu. Empeleni bothishela bachubeka nekwakha etikwesisekelo lesibekwe batali. Kuliciniso kwekutsi bantfwana batalwa ngephasi kwetimo letehlukene letinye tato letibuhlungu. Ngibekise nje kwekutsi labanye bakhuliswe bogogo, labanye bangumphumela wekudlwengulwa, kantsi labanye basindze ekubulaweni batali. Labanye abakase beva bumnandzi belutsandvo. Ngakoke bothishela kumele bavule tandla tabo kulo lonkhe loluhlobo.