Kubaluleka kwebatoliki enkantolo
Kutolika kanye nekubalulekwa kwako enkantolo
[hlela | edit source]kutolika kuncedza bantfu labahlukahlukene enkantolo lokufaka ekhatsi laba labalandzelako:
- Ummangali.
- Ummangalelwa.
- Ummeli.
- Umtoliki.
- Mantji.
- Umshushisi.
Kubaluleka kwekutolika kulabantfu labalangenhla
[hlela | edit source]Ummangali
[hlela | edit source]Batoliki benta umsebenti lobalulekile wekucinisekisa kutsi livi lemmangali liyavakala futsi baniketwa litfuba lelifanele lekuveta imibono yabo kanye nebufakazi. Ummangali utokhona keveta kahle bonkhe bufakazi lanabo mayelana nalelicala kute agcine asitakele ngoba utokhona kukhuluma ngelulwini lwakhe bese kutsi umtoliki atolike ngesingisi. Kantsi kulesinye sikhatsi uma umtoliki angekho ummangali bekangahle angaliwini licala nangabe angakhoni kukhuluma singisi ngoba angakhoni kuveta bonkhe bufakazi kanye nayonkhe imibono yakhe ngelulwimi lwesingisi.[1]
Ummangalelwa
[hlela | edit source]Kutolika kusita ekunciphiseni umgoco welulwimi emkhatsini kwemmangalelwa kanye nemtsetfo, kanye nekucinisekisa kutsi uyativisisa tonkhe tincumo temshushisi. Ngemsebenti wemtoliki ummangalelwa utawukhona kutsi evetonkhe tinchumo bemshushisi. Labanye bantfu kuye kutsi bammangalelwa batikhandza baboshiwe babe bangenacala ngesizatfu Sekungavsisi lulwimi lwesingisi lolusetjentiswa enkantolo, kepha lapha ummangalelwa angahle aliwine licala nangabe angakawenti umonakalo ngoba utokhona kutivikela ngelulwimi lwakhe kubese kutsi umtoliki ente umsebenti wakhe.
Ummeli
[hlela | edit source]Kutolika lokwenteka enkantolo kuyamsita ummeli kutsi akhone kuvana nemakhasimende akhe nangabe bakhuluma tilwimi letehlukene. Kuyekwenteke kulesinye sikhatsi ukhandze kutsi likhasimende lemmeli alikhoni kukhuluma singisi ngaleyondlela nakungenelela umtoliki kutoyenta umsebenti wemmeli ubelula. [2]
Mantji
[hlela | edit source]Umsebenti wekutolika enkantolo yeMantji kucinisekisa kutsi bonkhe labatsintsekako ekulalelweni kwelicala bayakwati kuvisisana. Kodvwa kulesinye sikhatsi kuye kwenteke kutsi labantfu labatsintsekako kulelicala bangemaswati ngaleyondlela sidzingo sekutolika angeke sibekhona ngobe batokhona kuvisisa yonkhe imkhulumo lekhulunywa yiMantji ngendlela lecondzile. Umangabe bantfu labatsintseka enkantolo bakhuluma tilwimi letahlukene futi bangakhoni kuchumana ngelulwimi lwesingisi kulapho umtoliki angangena ente umsebenti wakhe wekucinisekisa kutsi wonkhe umuntfu lotsintsekako kulelicala uyayivisisa yonkhe inkhulumo letsintsa lelicala. [3]
Umshushisi
[hlela | edit source]Umsebenti wekutolika enkantolo kucinisekisa kuchumana lokuhle nekucondzisana emkhatsini weMshushisi kanye nebantfu labangakhulumi lulwimi lwesingisi labatsintsekako ecaleni. Ngeluncedvo lwemtoliki umshushisi utokhona kushushisa emacala ngendlela lefanele ngaphandle kwekuhlangabetana netinkinga. Umshushisi utokhona kucokelela lwati akhulume nabofakazi, futsi atfule bufakazi, kwenta siciniseko sekutsi wenta umsebenti wakhe ngemphumelelo kute kutfolakale bulungiswa. [4]
IMITFOMBO YELWATI
[hlela | edit source]- ↑ https://www.jstor.org/stable/20024563?casa_token=CnZofOlG8EcAAAAA%3AYz-ej5e6_gDt5v0-f5x9IPfaV1uePEw2PW-KudD630lsTCWja3nnzMXfaP4hzVg1gBePBEzML5HlFSHSLytHljahMc-AESW-6AmVfD4V-i-Ro9QyjqI&seq=1
- ↑ https://heinonline.org/HOL/LandingPage?handle=hein.journals/flr67&div=19&id=&page=
- ↑ https://heinonline.org/HOL/LandingPage?handle=hein.journals/nevlj16&div=36&id=&page=
- ↑ https://heinonline.org/HOL/LandingPage?handle=hein.journals/swulr7&div=10&id=&page=