Mbuyisa Makhubo
Mbuyisa Makhubu (lotalwa ngemyaka wa- 1957 noma 1958) ngumuntfu waseNingizimu Afrika lowalwa nelubandlululo lowanyamalala nga 1979. [1] Wakhuphuka waba ngumuntfu lodvumile ngemuva kwekubonakala aphetse Hector Pieterson esitfombeni lesatsatfwa nguSam Nzima ngemuva kwekutsi Pieterson aduntjulwa ngesikhatsi sekuvukela mbuso waseSoweto nga 1976. [2] Nobe lesitfombani sibeketela, kuncane lobekwatiwa ngaMakhubu. [3]
Ngemuva kwekutsi lesitfombe sikhishwe, Makhubu wahlukunyetwa tinsita tekuphepha, futsi waphoceleleka kutsi abaleke eNingizimu Afrika. Unina wakhe, Nombulelo Makhubu, watjela iKhomishini Yeliciniso Nekubuyisana kutsi watfola incwadzi lebuya kuMakhubu lobekaseNigeria nga 1978, kepha watsi kusukela lapho akatange eve lutfo ngaye. [4] Washona nga-2004, kubonakala shengatsi bekangati kutsi kwentekeni endvodzaneni yakhe. [5] Mbuyisa bekangulomunye wetishoshovu tase Ningizimu Afrika letaniketwa kuphepha eNigeria ngekushesha ngemuva kwesehlakalo saseSoweto. Abengulomunye walabatsatfu labahlala esikolweni semabanga lasetulu eNingizimu-Nshonalanga yeNigeria - iKholeji yaHulumende weMbuso, ngesikhatsi semnyaka wekufundzela wa 1976–1977. Kepha bonkhe behluleka kuhlala, futsi besebaphocelekile kutsi bacubeke kungakapheli umnyaka. [6]
- ↑ "Disappeared June 16 victim Mbuyisa Makhubu to be honoured | The Heritage Portal". www.theheritageportal.co.za. Retrieved 11 November 2020
- ↑ Khangale, Ndivhuwo (2005). "Mystery around June 16 icon lingers on". IOL news. Retrieved 19 June 2013.
- ↑ "FROM THE ARCHIVES: Through The Cracks, the untold story of Mbuyisa Makhubu". ewn.co.za. Retrieved 11 November 2020.
- ↑ "Finding Mbuyisa Makhubu, the June 16 1976 hero". The Mail & Guardian. 12 June 2014. Retrieved 11 November 2020.
- ↑ "The Curious Tale of Victor Vinnetou » AFRICA IS a COUNTRY". Archived from the original on 11 November 2014. Retrieved 11 November 2014.
- ↑ Eyewitness News (27 September 2013). "Makhubu family wants more DNA tests". Retrieved 15 March 2016.