NICKI MINAJ
Nicki Minaj lowatalwa ngekutsi ngu Onika Tanya Maraj mhla tingu-8 Ingongoni 1982, watalelwa eSaint James Trinidad and Tobago, wase utfutseleka nemndeni wakhe eJamica, Queens, eNew York aneminyaka lesihlanu. wakhulela esimeni lesimatima ngenca yekutsi uyise bekasebentisa tidzakamiva futsi aneludlame. Kute abalekele letinkinga wadala bantfu labahlukene emcondvweni wakhe, lokufaka ekhatsi Roman Zolanski lowagcina abe yincenye yebantfu bakhe bemculi.[1]
Nicki Minaj wafundza eFiorello H. LaGuardia High School of Music & Art and Performing Arts eNew York, lapho wafundza khona kuhlabelela nekulingisa. Ngaphambi kwekutsi advume wasebenta njengemculi losekela labanye futsi abhalele baculi bendzawo tingoma. Nga-2007 litsalente lakhe labonwa ngumrepha Lil Wayne lowatfola umculo wakhe ku-MySpace, loko kwaholela ekutseni asayine ne Young Money Entertainment wabese ukhipha emamixtape laphumelele njenge Playtime Is Over (2007), Sucka Free (2008), kanye ne Beam Me Up Scotty (2009), lokwamenta waba ngulomunye webaculi be-Hip-Hop labebakhulula ngesivinini.[2]
Nga-2010 Nicki Minaj wadvuma emhlabeni wonkhe ngekukhishwa kwe-albhamu yakhe yekucala, Pink Friday leyafinyelela endzaweni yekucala ku Billboard 200. Le albhamu yayinetingoma letishaya kakhulu letifaka ekhatsi "Your Love" kanye ne "Super Bass", leyamenta abe ngulomunye webaculi labakhulu emhlabeni. Waphindze wabeka umlando ngekuba ngumculi wesifazane wekucala losebenta yedvwa kuba netingoma letisikhombisa ngesikhatsi sinye ku Billboard 100.[3]
Lamuhla Nicki Minaj usengulomunye webaculi besifazane be-rap labanemtselela lomkhulu emlandvweni wemculo, Uchubeka nekukhutsata situkulwane lesisha sebaculi futsi usachubeka nekuphumelela emhlabeni wonkhe ngemculo wakhe, emarekhodi akhe, kanye nemidlalo yakhe lenemandla esiteji.[4]