Umdlalo wemoya
Umdlalo wemoya yindzaba leyetfulwa emsakatweni losakata ngeSiSwati. Kuyaye kube yindzaba lenebadlali labatsite, labacoca indzaba ngesigameko lesitsite semphilo.[1]
Bumcoka bemdlalo
[hlela | edit source]Bumcoka bemdlalo kukhutsata intfo lenhle esiveni, noma ukhuta umkhuba lomubi lowentekako esiveni. Kepha loko ukwenta ngendlela lehambisana nekutsi labo labalalele loyo mdlalo babe nekujabula basawulalele.Kumele nawubhala umdlalo wemoya, ube nako emcondvweni kutsi kube ngumdlalo loletsa inshisekelo yekufisa kulalela loyo mdlalo. Uyaye ubenako kutsi bantfu batawulalela kuphela, kute sitfombe labatisibona, lokusho kutsi phela indzaba yakho ayibe ngulemnandzi kubalaleli. Lokunye utame kusebentisa emagama lahloniphisa inkhulumo yakho, kwatise kutsi umdlalo wemoya ulalelwa ngumndeni wonkhe esikatsini lesinyenti, lokuba batali kanye nebantfwana. Akukameli kutsi bese batali badliwa ngemahloni kulale intfo lehlatimulisa umtimba ngekutsi sekunebantfwana emkhatsini wabo.
Lokunye lokumele ukucaphelisise, kutsi loyo mdlalo wakho ungabi ngulotfusako, lotokwenta kutsi nangabe bawulalelele ebusuku, besabe nekuyolala ngenca yekutsi bangahle babhudze kabi. Umdlalo wemoya kuhle kutsi emvakwekuwulalela, umndeni ukhone kucoca ngawo, bahleke loko labakuvile lokubahlekisile, noma ke lokubamangalisile. Loko kwenta kutsi umndeni ukhone kuhlanganyela etitfweni letinyenti, lokuyindlela leletsa lubumbano ekhaya. Lokunye kuwo wona wemdlalo, umndeni ungafundza indlela yekuphila, kumbe leletsa sisombululo engcakini kumbe umndeni lobhekene nawo. Kuhle kutsi kutsi umndeni ube nekuthula kanye nenhlonipho, umdlalo wemoya nguletinye tintfo lotifundzisako leti.