Umkhosi wemhlanga
[1]Umkhosi wemhlanga lisiko lesiswati lapho khona tintfombi temaswati tigeca umhlanga. Lelisiko leli livame kwenteka kanye ngemnyaka enyangeni yeNgci noma ngeNyoni. Ngaphambi kwekutsi ucale lomkhosi,vame kuba nesimemetelo lesentiwa ngiyo indvuna yetintfombi ewayilesini uma sekusondzela lomkhosi. Lomkhosi emalanga utsatsa emalanga lasikhombisa. Naku ke lokuyaye kwenteke emhlangeni; kwekucala, tintfombi tiyabhalisa emtini webukhosi eludzidzini. Elangeni lesibili, liyacitfwa libutfo; labancane bayogeca kabhamsakhe, labadzala bagece eMphisifamu. Kulelilanga leli, tintfombi [2]tiyashuca tisuke lapho tingenele khona tiye lapho kumele tigece khona. Elangeni lesitsatfu, tintfombi tiyashuca tiyogeca wona umhlanga etidzidzini. Elangeni lesine, tintfombi tiyashuca tibuyele emuva emtini webukhosi eludzidzini. Elangeni lasihlanu, tinrfombi tilahla umhlanga phambikwemakhosi tigiye tikhombise injabulo. Elangeni lesitfupha, tintfombi tiyaphumula bese elangeni lesikhombisa tiyagidza phambikwemakhosi.
<nowiki>