Umtselela wetibhidvo kulabo labaphila ngetifo letingalapheki
Umtselela wetibhidvo kulabo labaphila ngetifo letingalapheki njengesifo sashukela. Tibhidvo tikudla letitjalwako letingafaka tintfo letiningi. tivamiswe kutjalwa emakhaya kakhulu kantsi labanye bayatitsenga emmekheti. tibhidvo tidlala lichaza lelikhulu kulabo labaphila ngetifo letingalapheki lokufaka ekhatsi sifo sashukela. Bantfu labaphila ngesifo sashukela bodokotela babaniketa umlayo wekutsi kumele nadle ini futsi loko kudla kubasita ngani. Lombhalo utawubuka umtselela wetibhidvo kulabo labaphila ngesifo sashukela. Lombhalo utawuphindza ubanikete tindlela kanye neteluleko tekunakekela indlela labadla ngayo.
Umtselela wetibhidvo kulabo laphila ngetifo letingalapheki
[hlela | edit source]Kuphila ngesifo sashuke kufuneka udle kudla lokufanele futsi lokunemtselela. Sifo sashukela kufuneka ulandzele yonkhe imilayeto yabodokotela ngaso sonkhe sikhatsi. Nano kungabo kona kudla lokudlako kodvwa kudla tibhidvo kubalulekile ngobe kuyimphilo futsi kunemtselela lobalulekile. Tibhidvo tikudla lokuhlukanisekile lokufaka ekhatsi umbhidvo wetintsanga, inkankha, simpinishi kanye nalokunye. Loluhlobo lwekudla ludlala indzima ekusekeleni imphilo yakho futsi nekutsi uhlale uphilile njalo. Tibhidvo tisita kakhulu kuyehlisa lizinga lekukhuphuka kwashukela. Loluhlobo lwekudla lubuye luciniskile kutsi awutfolakali ubanjwa kukhatsateka lokutakukhuphulela loshukela. [1]
Kudla lokumacembe lokufaka ekhatsi umbhidvo wetintsanga inkankha kunemsonco kanye nemaminirasi. Lokudla loku kuyasita ngobe akufuni imali liningi. Labanye labagulwa ngulesifo banganhle banganayo imali yekutinake lokudla loku akufuni imali ngobe kuvamise kumila emakhaya emasimini. Bantfu labaphila ngesifo sashukela badzinga kutinakekela kute batokhona kuphila sikhatsi lesidze.