Zulaikha Patel

Zulaikha Patel (lotalwe ngemnyaka wa- 2002) ^[1] ngumuntfu waseNingizimu-Afrika lolwa nebuhlanga . Waba luphawu lwekulwa nemtsetfomgomo weSikolwa Lesisetulu Semantfombatane sase-Pitoli mayelana netinwele temantfombatane lamnyama ngemnyaka wa-2016, lapjo abeneminyaka lengu-13 budzala. Yena nalabo labefundza nabo babamba umhlangano lowaholela hhayi kuphela ekugucukeni kwenchubomgomo yesikolwa, kepha nekuphenya ngetinsolo tebuhlanga kulesikolwa. Ucashunwe atsi: “Kungicela kutsi ngintjintje tinwele tami kufana nekungicela kutsi ngisule bumnyama bami.” ^[2]

Inkhinga lesesikolweni lesisetulu semantfombatane ePitoli

Sikolwa lesisetulu semantfombatane sasePitoli,sisendzaweni yase Pitoli, eRiphabhulikhi yaseNingizimu-Afrika. Lesikolwa sasungulwa ngemnyaka wa-1902, futsi sonkhe besisebantfu labamhlophe kusukela sasungulwa kwaze kwaba ngu-1990, njengoba tikolo tase Ningizimu-Afrika betihlukaniswe ngaphambi kwelubandlululo, kepha kusukela nga-1990, lesikolo sivulekele tonkhe tinhlanga. Ngekusho kwe CNN, iPitoli-Girls' Code of Conduct ayikhulumi ngalokucondzile nge -afros, kepha ibeka imitsetfo yekubukeka jikelele, kufaka ekhatsi kuncoma kutsi tonkhe tindlela "kufanele tibe nguleticondzile, letihlantekile futsi tihambisane nemfaniswano wesikolo." Bothishela bebatjele bafundzi kutsi tinwele tabo te-afro "ti-exotic" futsi tidzinga kufuywa. ^[3] Bekushiwo kutsi tinwele temantfombatane tidzinga kucondziswa noma kuboshwa emuva, kungagcotjwa njenge -Afros.

Zulaikha Patel bekasemkhatsini webafundzi labahola umkhosi wekumelene nePitoli -Girls High, ngekumelene nenchubomgomo yetinwele yesikolwa semantfombatane onkhe. ^[4] Labafundzi labasha lakhombisako kutsi basebasha basongelwa ngekuboshwa ngesikhatsi Zulaikha Patel ahola lombhikisho lothulile. Umbukiso lofakwe ku-inthanethi ukhombisa Zulaikha Patel njengoba abhekene nebalindzi labatsatfu labahlomile labacashwe baphatsi besikolo kutsi bacedze lomkhosi. Lombukiso ubangele kutsi kube nekuphendvula lokukhulu ngalesikolo.

Ngemuva kweMbhikisho waZulaikha

Iminykato ya Zulaikha Patel takhutsata letinye tindlela tekubhikisha eNingizimu-Afrika, esikolweni lesisetulu sase Lawson Brown esifundzeni sase Mphumalanga, kanye nase St. Bantfu emhlabeni wonkhe bacala kwabelana ngetitfombe tema-afro abo etindzabeni tekuchumana, ngekubambisana nebafundzi labasikati basesikolweni lesisetulu sasePitoli. Kwalandzela kusakatwa kwetindzaba temave emhlaba. Lemibhikisho yakhombisa kutsi kwehlukana ngekwebuhlanga kusachubeka, noma ngabe kwaphela lubandlululo ngemnyaka wa-1991. ^[5]

Kuphikisa kwaPatel kwacala imibhikisho leminyenti kanye nelushintjo. MEC weMfundvo esifundzeni sase Gauteng, -Panyaza Lesufi uvakashele esikolweni lesisetulu semantfombatana, ePitoli ngenhloso yekuyolalele tikhalato tebafundzi labamnyama, hhayi kuphela ngenchubomgomo yetinwele, kepha ngebuhlanga jikelele kulesikolwa. Sibonelo saloku kutsi, emantfombatane akavunyelwe kukhuluma tilwimi tema-Afrika emagcekeni esikolwa, Singisi nobe Sibhunu kuphela. -Patrick Gaspard, lincusa laseMelika eNingizimu Afrika, watfumela ku-Twitter watsi: "Yonkhe imimango inemitsetfo. Futsi ngalesinye sikhatsi leyo mitsetfo iyachema futsi idzinga kuvetwa futsi ibhikishwe." Sicelo lebesibhalwe ku-inthanethi ^[6]^[7] besinemasayinimenti lacishe abe ngu-25 000 ngelilanga linye. Litiko letemfundvo eGauteng limise lomtsetfomgomo wetinwele. ^[4]

Kukhumbula

Zulaikha Patel, Wabonwa njengalomunye wabomake laba-100 be-BBC ngemnyaka wa-2016. ^[8]

↑ "BBC 100 Women 2016: Who is on the list?". BBC News (in en-GB). 21 November 2016. Retrieved 28 July 2019.
↑ "Four South Africa women make it on BBC's 100 Women List 2016". YOU. Retrieved 2016-12-08.
↑ Thabile Vilakazi, for. "Students say school's hair policy is racist". CNN. Retrieved 2016-12-08.
1 2 Malgas, Natalie. "Four South Africans make it on BBC's '100 Women List for 2016'". Retrieved 2016-12-08.
↑ Thabile Vilakazi (2016-08-31). "South African students protest against school's alleged racist hair policy". CNN (in English). Retrieved 2021-06-20.
↑ "Stop Racism at Pretoria Girls High". amandla.mobi. Retrieved 10 December 2016.
↑ Safdar, Anealla (August 30, 2016). "S Africa: Black students protest 'racist' hair rules". Al Jazeera. Retrieved December 10, 2016.
↑ "BBC 100 Women 2016: Who is on the list?". BBC News (in en-GB). 2016-11-18. Retrieved 2022-12-17.

[1] "BBC 100 Women 2016: Who is on the list?". BBC News (in en-GB). 21 November 2016. Retrieved 28 July 2019.

[2] "Four South Africa women make it on BBC's 100 Women List 2016". YOU. Retrieved 2016-12-08.

[3] Thabile Vilakazi, for. "Students say school's hair policy is racist". CNN. Retrieved 2016-12-08.

[Malgas2-4] 1 2 Malgas, Natalie. "Four South Africans make it on BBC's '100 Women List for 2016'". Retrieved 2016-12-08.

[5] Thabile Vilakazi (2016-08-31). "South African students protest against school's alleged racist hair policy". CNN (in English). Retrieved 2021-06-20.

[6] "Stop Racism at Pretoria Girls High". amandla.mobi. Retrieved 10 December 2016.

[Al_Jazeera2-7] Safdar, Anealla (August 30, 2016). "S Africa: Black students protest 'racist' hair rules". Al Jazeera. Retrieved December 10, 2016.

[8] "BBC 100 Women 2016: Who is on the list?". BBC News (in en-GB). 2016-11-18. Retrieved 2022-12-17.

[1]

[2]

[3]

[4]

[5]

[6]

[7]

[8]