Caster Semenya
![](http://upload.wikimedia.org/wikipedia/commons/thumb/a/a7/Caster_Semenya_of_South_Africa_at_the_2018_African_Athletics_Championships.jpg/220px-Caster_Semenya_of_South_Africa_at_the_2018_African_Athletics_Championships.jpg)
Mokgadi Caster Semenya (watalwa mhlaka 7 Bhimbidvwane 1991)[1] ngumgijimi wase Ningizimu Afrika longumgijimi longumdlali lowatiwako ngekugijima emabanga lasemkhatsini, futsi uncobe imihlomelo lemibili yeligolide kuma-Olympic kanye nemihlomelo lemitsatfu yeMhlaba kuma-metre lamakhulu lasiphohlongo. Wacala ngekutfola umklomelo weligolide kumqhudelwano wemhlaba ngemnyaka wa 2009 wase uyawucedzela ngemnyaka wa 2016 emidlalweni yema Olympic kanye nasemqhudelwaneni wemhlaba ngemnyaka wa 2017, lapho aphindze watfola umklomelo weligolide kumqhudelwano wemamitha latinkhulungwane letisihlanu. Ngemuva kwekukhishwa kwe Mariya Savinova, waphindze waniketwa imihlomelo yeligolide ku 2011 World Championships naku 2012 Olympics. Ngemuva kwekuncoba kwa Semenya ku 2009 World Championships, kwentiwa luhlolo lwebulili, wase uyavunyelwa kutsi abuyele emncintiswaneni ngemnyaka lolandzelako. Lesincumo sekwenta luhlolo lwebulili saletsa kuphikisana emhlabeni wetemidlalo kanye naseveni lakubo Semenya eNingizimu Afrika. Imibiko lelandzelako yaveta kutsi Semenya unesifo sekushoda kwe 5α-reductase 2 kanye nemazinga e testosterone yemvelo kulelinani lelidvuna.[2]