IMVUNULO YEMADVODZA
Imvunulo yintfo lenhle nalebaluleke kakhulu ekugcamiseni emasiko esiveni semaSwati. Emicimbini yemaSwati imvunulo iwanika sitfunti sebuve bawo. Imvunulo yenta umehluko emkhatsini wemadvodza nebafati. iphindze ikhombise tigaba letehlukene ekukhuleni kwemuntfu. Emadvodza ayaye avunule emajobo lentiwe ngetikhumba tetinyamatane letehlukene njengemsumphe, impunzi netinsimango. Lamajobo awefani, kunetinhlobo letehlukene. Kuye kube khona emabhebha. Entiwa ngetikhumba letinkhulu futsi avunulwa odvwa ngaphandIe kwemahiya. I amanye emajobo kuba emagogo, Ienhlobo yemajobo ngulevame kakhulu knletikhatsi talamuhla. Kute kutsiwe emagogo lrusukelwakulendzawo lecumbile ngentasi ngembili. Lamanye emadvodza avunula timbece. Timbece cishe tifane nemagogo kodvwa tona tinemchewu emkhatsini. Lamanye emajobo lavunulwa ngemadvodza kuba tintwayi. Lawa ngemajobo lasuswe tiboya emkhatsini, kumbe emajobo lasaguge aze acotfuka boya.[1]