Jack White (umcondzisi wetemidlalo)

John Joseph White (July 31, 1913 - September 26, 1997) bekangumphatsi wetemidlalo waseMelika. Bekangumphatsi we-San Francisco 49ers ye-National Football League (NFL) kusukela nga-1967 kuya ku-1972 waphindze wasebenta ne-New York Yankees ye-All-America Football Conference (AAFC) kanye ne-Nework Yankees ye-Major League Baseball (MLB).

Imphilo yakhe yasebuntfwaneni

White watalwa ngaJuly 31, 1913, eNew Britain, eConnecticut. Wafundza e-New Britain High School kwatsi ngekuhamba kwesikhatsi waba ngumdlali e-Manhattan College eNew York, lapho adlala khona ibhola njengemdlali we-lineman.Waphotfula eManhattan nge digri I-Bachelor of Science, futsi kubikwa kutsi ngemuva kwaloko wajoyina i-Philadelphia Eagles ye-National Football League (NFL).

Umsebenti wekucecesha

White wasebenta naGene Tunney eluhlelweni lwetemidlalo e-United States Naval Academy ngesikhatsi seMphi yeMhlaba yesibili. Wajoyina i-New York Yankees ye-All-America Football Conference (AAFC) nga-1946, wasebenta njengemsiti wemceceshi wabo kanye nemhloli lomkhulu.Wahlala kulelicembu kwate kwaba ngulapho i-AAFC ihlangana ne-NFL nga-1950.

Ngekushesha ngemuva kwaloko, White wajoyina licembu le-baseball le-New York Yankees; wasebenta sikhashana njengemphatsi jikelele we-league yabo lencane, i-Richmond Virginians, ngaphambi kwekutsi atfole kukhushulelwa esikhundleni sekuba ngumphatsi wemathikithi ngasekupheleni kweminyaka yabo-1950 kanye nemcondzisi webhizinisi nga-1960. Ngemnyaka wa 1963, sikhundla sakhe besesibe "ngumcondzisi we-baseball scouts".Wagcina asebente nema Yankees iminyaka lengu-25.

White waphindze wacala kusebentela i-San Francisco 49ers ye-NFL njengemhloli wesikhashana nga-1951.Wenyuselwa esikhundleni sekuba ngumcondzisi we-scouting nga-1965, kwatsi ngemuva kweminyaka lemibili wabekwa kutsi abe ngumphatsi welicembu.Wasita lelicembu kutsi litfole umklomelo emahlandla lamatsatfu ngekulandzelana kusukela nga-1970 kuya ku-1972 njengemphatsi, ngaphambi kwekutsi emukele sikhundla sekuba liSekela laMengameli webadlali nga-1973.[Watsatsa umhlalaphansi ngemuva kwemnyaka wa 1976.

Umbhali we-San Francisco Examiner Al Corona wachaza umsebenti waWhite welibhola letinyawo: "Wakhuluma nabo bonkhe labafana. Tonkhe tinkhontileka betihamba kuJack. Badlali bebamtsandza kakhulu. Bekangumuntfu lomuhle futsi bekati kahle ibhola". Umphatsi we-49ers Louis Spadia waphawula kutsi White "ngulomunye webantfu labanalokuhlangenwe nako futsi labanemakhono emdlalweni endzaweni yekufuna nekuhlola emathalenta ebhola"

Kuphila kanye nekufa kwakhe

White watfutsela e-Oregon ngemuva kwekutsatsa umhlalaphansi futsi bekakujabulela kufuya emahhashi. Bekashadile futsi anebantfwana lababili. Washona eWhite City, e-Oregon, mhlaka 26 Inyoni 1997, aneminyaka lengu-84 budzala.