Julie Yip-Williams

Julie Yip-Williams (January 6, 1976), bekangummeli waseMelika futsi aphindze angumbhali, watalwa njenga Diep Ly Thanh eVietnam.

Imphilo yasebuntfwaneni kanye nemfundvo

Diep Ly Thanh watalelwa eTam Kỳ, eVietnam, indvodzakati ya Diep The Phu (Peter Yip) na Lam Que Anh (Ann Yip). Bekangumphumphutse ngenca ye-cataracts, futsi gogo wakhe wacindzetela batali bakhe kutsi batfole dokotela wetitjalo kute acedze imphilo yemntfwana. Nga-1979, wabaleka eVietnam nemalunga emndeni wakhe lamanyenti, ngesikebhe sekudvweba. Bafika e-Hong Kong njengebakhoseli, base batfutsela eCalifornia ekupheleni kwa-1979. Wakhulela eMonterey Park, eCalifornia. Kubona kwakhe kwentiwa ncono ngekuhlindvwa eLos Angeles, kepha wahlala angumphumphutse ngekwemtsetfo.

Yip watfola i-bachelor's degree e-Williams College eMassachusetts, kanye ne-J.D. degree e-Harvard Law School.

Umsebenti wakhe

Yip wasebenta emtsetfweni wetinkampani eNew York City kusukela nga-2002. Ngemnyaka wa 2013, ngemuva kwekutfolwa anesifo semdlavuza we-colon, Yip-Williams wacala iblog, kute abelane lwati lwakhe ngalesifo kanye nekwelashwa, kanye nekushiya lirekhodi lakhe kumadvodzakati akhe lamancane. Etinyangeni takhe tekugcina, waphindze wenta emarekhodi e-podcast leyakhiwa ngu-Eleanor Kagan, lebeyinesihloko lesitsi Julie.

Le-blog kanye naleminye imibhalo ya-Yip-Williams, kufaka phakatsi umbhalo wesandla mayelana nebuntfwana bakhe, kwahlanganiswa kwentela kuba yincwadzi yetemlandvo, The Unwinding of the Miracle: A Memoir of Life, Death, and Everything That Comes After (2019), leyahlelwa ngumngani wakhe Mark Warren futsi yashicilelwa ngemuva kwekushona kwakhe. Lencwadzi beyivame kucatsaniswa nencwadzi yetemlandvo yaPaul Kalanithi letsi When Breath Becomes Air (2016), kanye naNina Riggs letsi The Bright Hour (2017), totimbili letati tinesihloko lesifanako. Wafakwa ku-The New York Times' "100 Notable Books of 2019" yemnyaka.

Imphilo yakhe

Julie Yip washada na Joshua Williams lenaye bekangummeli. Bebanemadvodzakati lamabili, Mia na-Isabelle. Yip-Williams wabulawa ngumdlavuza we-colon ngemnyaka wa 2018, aneminyaka lengu-42 budzala, ekhaya lakhe eBrooklyn.

Ema-link langaphandle

• Julie Yip-Williams (blog yakhe).
• I-trailer ye-video yemlandvo wakhe, ngu-Random House; ku-YouTube.