KUBALULEKA KWEMUNTFU LOMDZALA

lmindeni yemaSwati ihleleke ngendlela yekutsi ngulowo nalowo unendzima layidlalako. Labadzala batsatfwa njengalabahlakaniphile, labanelikhono futsi nelwati macondzana nemphilo. Umuntfu lomsikati losakhulile ubitwa ngagogo, lomdvuna kutsiwe ngumkhulu. Bobabili kuba netindzima labatidlalako emndenini. Gogo naMkhulu bantfu labatsandzeka kakhulu ekhaya. Kuba nabo kuba sibusiso kakhulu, ngobe kutsiwa ngemadloti ekhaya. Likhaya lelinebantfu labadzala Iiba nesitfunti futsi lihlonishwa nangabo bonkhe bantfu emmangweni. Ngekwesintfu bantfu Iabadzala batsatfwa njengabeluleki. kadzeni bekuba nendlu yagogo lapho bantfwana bafundziswa khona buntfu, emasiko nemihambo yesintfu. Gogo bekabuye anike nemiyalo kubantfu labadzala labanetinkinga. Onkhe emalunga lakhona emndenini abebahIonipha labadzala.

Bantfu labadzala bebangalahlwa kumbe bayewuhlaliswa emakhaya alabadzala. Bebatsandvwa ekhaya ngelwati Jabanalo ngemphilo. Ngibo labakhulisa batukulu. NgesiSwati kuye kube netindlu letinyenti ekhaya. Kagogo yindzawo lebaluleke kakhulu; kulapho labalele nalabaphilako bahIangana khona nakukhulunywa tindzaba letibalulekile temndeni. Nangabe kukhulunywa nemadloti ekhaya, kuye kube ngugogo kumbe mkhulu lonika emadloti kudla kwawo. Ngako -ke babaluleke kakhulu bantfu labadzala emindenini nasemmangweni wonkhana.