Kubulawa kwa-Al-Sadek Hamed Al-Shuwehdy
Al-Sadek Hamed Al-Shuwehdy (noma Sadiq Hamed Shwehdi) (c. 1954 - wabulawa nga 1984) bekangumfundzi waseLibya lobekenta timfundvo tebunjiniyela emkhakheni wetindiza lowabulawa ngemuva kwekushushiswa enkundleni ye-basketball eBenghazi, eLibya. Lelicala lasakatwa bukhoma kuthelevishini yembuso waseLibya.[1]Al-Shuwehdy bekabuyile eMelika etinyangeni letintsatfu letendlulile lapho bekafundza khona, futsi wacala kuvukela Umbuso waGaddafi.[1]
Ngesikhatsi asebenta njengenjiniyela esikhumulweni setindiza wahlangana nebangani lebebakhankhasela Gaddafi. Ngekuhamba kwesikhatsi emaphoyisa aseLibya ambamba ekhaya lakhe; wabulawa ngemuva kwetinyanga letimbalwa.[1] Umndeni wa-Al-Shuwehdy awuzange utfole sidvumbu sakhe; labo labalilako labafika emakhaya abo bebatawesaba. Ngemuva kwekushona kwakhe, emalunga emndeni wakhe nawo abhekana nebulukhuni bekutfola umsebenti nobe kutfola tindzawo enyuvesi.[1]
Kwetfulwa kwelicala
[hlela | edit source]Lokutsetfwa kwelicala kanye nekubulawa kwabonwa tinkhulungwane tebantfu labasha, ikakhulukati labebabafundzi besikolwa lesiphakeme kanye nebafundzi baseNyuvesi, lebebatfunyelwe ngemabasi ngalokukhetsekile kulomcimbi.[2] Al-Shuwehdy bekayedvwa emkhatsini wenkhundla, tandla takhe tiboshwe ngemuva kwakhe, futsi wakhala ngesikhatsi avuma licala lakhe lekujoyina "tinja letilahlekile", ligama lembuso lelisho labo labaphikisako, ngaphambi kwekutsi agwetjwe kufa.[3]
- ↑ 1.0 1.1 1.2 1.3 https://www.tandfonline.com/doi/full/10.1080/01419870.2019.1585558?casa_token=GVM6rFquQ38AAAAA%3Asi9KqBBNFzaK6vL9kdi2sYJCuPUEtxnzgE6plarRH3OrPyIGUyDNDEaxoUIk4a-PaO6lKkRwn_xn
- ↑ (102– ed.). Missing or empty
|title=(help) - ↑ https://www.tandfonline.com/doi/full/10.1080/13629395.2018.1511299?casa_token=PDgwuoj0BUQAAAAA%3AQjKu7-CkCQMGDcR91gF5E16xDknFP5lt8PL9te4I2eErahBnOS8cb6Iqajaa3BWdJfzg4_H-wqc4