Lugudlukomcondvo

INCHAZELO

Lolu luhlobo lwekuntjintja kwelulwimi ngekuvela kwekusetjentiswa kwemagama, lawa kungaba ngemagama lantjintja njengoba sikhatsi sichubeka nobe kuhamba kweminyaka. Imvamisa kuye kube ngetimo tendzawo kanye nesikhatsi.

TIBONELO

Kuphumelela: Ekucaleni leligama belisho kuphumelela emphilweni, kodvwa nyalo lisho kuncoba tinkinga.

Sibonelo: Ngambona ngekutsenga imoto kutsi sewuphumelele emphilweni.

            : Mswati wesibili wagcine aphumelele kuncoba titsa takhe.

Intfombi: Kadzeni uma kukhulunywa ngentfombi bekusuke kukhululwa ngemuntfu losifazane losaselitjitji.

Sibonelo: Tonkhe tintfombi atiphelele emhlangeni kanye nemvunulo yematjitji.

             : Intfombi yakasitfole iyahlonipha.

Kudla: Kadzeni umakukhulunywa ngekudla bekusuke kushiwo liphalishi, kepha lamuhla konkhe kudla lokudliwako kutsiwa kudla.

Sibonelo: kudla sengikutfolile kepha kushoda ngemshibo wekudla nako.

              : kulomcimbi kudla bekukunyenti, inyama yayiphekwe ngemhluti walenye.

Gay: Kadzeni loku bekusho kujabula kepha lamuhla sekushiyo bantfu beslisa labatsandzana ngebulili lobufanako.

Sibonelo: kuyimvelakancene kubona umshado wema-gay.

              : sesi wabagay ngoba atsentjiswe umshado.

Kumuka: kadzeni uma kukhulunywa ngekumuka bekusuke kushiwo kumuka ngemfula lokukuhamba ngemanti, kepha lamuhla kushiwo kumuka lapho uhlalakhona noma ekhaya.

Sibonelo: Themba umuke nemfula lomkhulu inkomazi

               : Tivakashi titawumuka ngelivili lesitolisombula.

Mistress: Kadzeni mistress bekutsiwa nguthishelakati, kepha lamuhla kutsiwa ngumakhwapheni.

Sibonelo: Mistress Ngomane ufundzisa kahle.

             : Lomfana ushiye umkakhe ekhaya ngendzaba yamistress lavana naye.

Lilanga: Leligama ekucaleni lalisho lilanga lemvelo, kepha ngekusetjentiswa kwanyalo, livame kusho lusuku noma sikhatsi, kukhombisa kugucuka kwesimo kusuka entfweni lebonakalako kuya kumcondvo lobanti wesikhatsi.

Sibonelo: Kusasa litawube lishisa lilanga.

             : Sitawuhamba ngalelinye lilanga namuhla ngikhatsele.

Umntfwana: Ekucaleni leligama belisho umntfwana losasemncane.kodvwala lamuhla umntfwana kusuke kushiwo umuntfu lote likhono lekwenta intfo letsite.

Sibonelo: Umntfwana wamake udla incwancwa.

            : Sabelo ungumntfwana lakimi ngekudlala ibhola.

Kudlula: Kadzeni uma kukhulunywa ngekundlula bekusuke kushiwo kwendlula emhlabeni lekusho kufa, kepha lamuhla sekushiwo kundlula endleleni.

Sibonelo: Indvuna yaseNgwenyeni indlulile emhlabeni.

            : Ngitawundlula lapho ksasa uma ngibuya esikolweni.

Umoya: Ekucaleni leligama belisho umoya wekuphefumula, kodvwa nyalo lisho similo semuntfu lotsite.

Sibonelo: Keaba lusizi ngalesikhatsi aphelelwa ngumoya.

            : Tsatsekile yintfombatane lenemoya lomubi.

IMITFOMBO YELWATI

https://scholar.google.com/scholar?hl=en&as_sdt=0%2C5&q=semantic+shift&oq=semantic+shi