Maphalaleni

Maphalaleni yinkhundla lephindze ibe yindzawo lesesigodzini sakaHhohho eveni laseSwatini. Lenkhundla idvute nenhlokodolobha yelelive lakaNgwane iMbabane. Lenkhundla noma indzawo ichazwa ngemasiko ayo lecebe ngawo. Kanye netinhlelo tentfutfuko letichubekako, kanye nekubambisana kwemalunga emmango.

Umfula lomkhulu eMaphalaleni ngumfula i-Umkhomati, logeleta uye eDamini lakuMaguga, lekuyindzawo yekugcina emanti lebalulekile Eswatini. Lenkhundla inemiphakatsi lesitfupha (6):

1. Endlozini

2. Emfene

3. Emcengeni

4. Ensingweni

5. Madlolo

6. Maphalaleni

Kuphatsa

Lilunga lephalamende lalenkhundla nguMhlonishwa Mabulala Maseko. Maseko sewuliwine katsatfu, emahandza likhetfo kulenkhundla. Uphindze abe ngumhlonishwa lobuke litiko letemisebenti (public works). Sewusebente emahlandla lamabili lalandzelanako. Maseko udzabuka emmangweni waseLubhujini ngaphakatsi kwalesifundza.

Sakhiwo sekuphatsa sifaka ekhatsi:

- Indvuna yeNkhundla: Maphevu Dlamini, ngaphansi kwemphakatsi waseMaphalaleni.

- Bucopho: Lusekwane Ndwandwe, naye lochamuka emphakatsi waseMaphalaleni.

Imfundvo

Imfundvo eMaphalaleni ibone kwenyuka lokukhulu ngekusungulwa kwetikolwa letinsha, lokunciphisa tinsayeya tekuhamba emabanga lamadze kubafundzi.