Sarili kaHintsa

Inkhosi Sarili ka Hintsa (lesemkhatsini lohleti) nemakhansela.

Inkhosi Sarhili (1810 - 1892) bekayinkhosi yesive semaXhosa kusukela ngemnyaka wa 1835 kwate kwaba sekufeni kwakhe ngo 1892 eSholora, eBomvana. Waphindze watiwa ngekutsi ngu "Kreli", kantsi wahola emabutfo emaXhosa etimphi letinyenti.

Imphilo yasebuntfwaneni nemndeni

Sarili bekayindvodzana yekucala yenkosi Hintsa ka Khawuta kanye ne-Nomsa kaGambushe Tshezi.

Kantsi Sarili bekanemakhosikati layimfica kufaka ekhatsi Nohuthe, Nondwe wesive sebaThembu kanye naBayo we-amaGwali. Indlalifa yakhe yekucala yashona ngemnyaka wa 1853 aneminyaka lelishumi nakubili kantsi lolandzelako bekungumntfwana wakhe Sigcawu ka Sarili kumfati wakhe wesibili Nohuthe. Indvodzakati yakhe Novili Nomkafulo yaba ngumfati lomkhulu wa Ngangelizwe Qeya, inkhosi yesitfupha yebaThembu. Lenye indvodzakati Nowisile yaba ngumfati weNdvuna Falo Mgudlwa wesive semaJumba Thembu kanye namake lowakhulisa Mbombini Molteno Sihele, imbongi yesive yase Thembu. Lenye indvodzakati yaba ngumfati waMhlontlo waseMpondomise kwatsi lenye yaba ngumfati weNkhosi Gwadiso wase Khonjwayo.