Siphiwe tshabalala
Lawrence Siphiwe Dambuza Tshabalala (watalwa mhla tinge-25 Inhlaba 1984) ngumdlali welibhola letinyawo waseNingizimu Afrika.[1]
Utsatfwa njengalomunye wabadlali labadvumile eNingizimu Afrika. Wadlala umdlalo wakhe wekucala wangaphandle ngesikhatsi adlala ku-National First Division. Waba ngumdlali wesibili lowadlala kakhulu kulelive laseNingizimu Afrika, wadlala emahlandla lamatsatfu e-African Cup of Nations kanye ne-2010 FIFA World Cup, lapho washaya khona ligoli lekucala mhla ti-11 Inhlaba 2010 lelakhetfwa ku-FIFA Puskás Award. Tshabalala, losandza kukhululwa yi-Amazulu FC, ungumdlali we-winger kepha uke wadlala letinye tindzima njengemdlali wasemkhatsini.[2]
Imphilo yakhe yasekucaleni
[hlela | edit source]Tshabalala watalwa mhla tinge-25 Inhlaba 1984 ePhiri njengemntfwana wekucala kubantfwana lababili, kubabe Isaac Tshabalala (watalwa nga-1964) naHadifele Rebecca (watalwa nguMakhubu) (1965 - 2010). Dzadzewabo lomncane libito lakhe nguMpumi. Wakhula wahlala endlini yetitini waze waba neminyaka lelishumi nemfica, [1] lebeyiphetfwe bokhokho bakhe. Bekahlala lapho nabomzala bakhe kanye nadzadzewabo. Uyise bekasebenta njengemshayeli wetekisi. Wafundza esikolweni semabanga laphakeme eSanamarena Secondary School ePhiri, eSoweto. [3] Tshabalala ngesikhatsi asesemncane abefisa kuba ngumcwaningimabhuku losemtsetfweni.[4]
Umsebenti welicembu
[hlela | edit source]Baholi beKaizer Chiefs
Tshabalala wadlalela eKaizer Chiefs Academy kepha wafika ecenjini lelisetulu ngemuva kwekusebenta ne-Alexandra United kanye ne-Free State Stars. Ngenyanga yaBhimbidvwane nga-2007 emaChiefs abuya nemkhicito wawo ngemuva kwekwehliselwa kwe-Ea Lla Koto ku-National First Division ekupheleni kwemnyaka wa-2005/06.[1] Ngaleso sikhatsi, Tshabalala wabekwa eceleni tinyanga letisitfupha ngenca yekulimala lokumatima emadvolweni. [5]
Isizini yanga-2007/08
Tshabalala wagcina atfole libhola lakhe lekucala emdlalweni lapho behlulwa yiBidvest Wits nga-1- 0 mhla tinge-31 Ingci 2007. [6] Tshabalala wacala kudlala umdlalo wakhe wekucala wedabhi yeSoweto mhlatinge-24 Lweti 2007 ngesikhatsi sekudvweba 2 - 2.[7] Tshabalala wadlala indzebe yakhe yekugcina mhla lu-1 Ingongoni 2007 eTelkom Knockout ngekuncoba ngemuva kwekushaywa kwephenalthi eMamelodi Sundowns. Wadlala imizuzu lephelele le-120.[8] Wacopha umlandvo weligoli lakhe lekucala kuChiefs mhla ti-12 Ingongoni 2007 ngesikhatsi bancoba iGolden Arrows ngemalengiso la-4-2.[9]
Isizini yanga-2008/09
Tshabalala wachubeka washaya emagoli lamahle, wawina umklomelo weMdlali weMnyaka kuKaizer Chiefs Awards Ceremony. Waphindze watfola umklomelo we-Website Player of the Year, Goal of the Season kanye ne-Readers' Choice awards. Tshabalala watfola lemiklomelo lebeyifaka ekhatsi R170 000 kanye neNissan X-Trail.[10]
Isizini yanga-2015/16
Mhla tinge-25 Ingci 2015, Tshabalala watfola kunakwa ngemuva kwekushaya igoli lelisuka ngaphandle kwendzawo lelakhetfwa njengalelinye lalamagoli esizini yaseNingizimu Afrika. Bancoba nga-4 - 0 iFree State Stars F.C. eFNB Stadium eJozi, indzawo lefanako lapho Tshabalala ashaya khona ligoli lelizinga lelifanako neleMexico endzebeni yemhlaba eminyakeni lesihlanu leyendlulile.[11]
Imitfombo yelwati
[hlela | edit source]- 1 2 3 https://en.wikipedia.org/wiki/Siphiwe_Tshabalala#cite_ref-new.bbc.co.uk_20-0
- ↑ Hadebe, Sazi (13 August 2021). "'It's football, my friend': Benni on why AmaZulu released Siphiwe Tshabalala". TimesLIVE. Retrieved 13 August 2021
- ↑ SPIEGEL ONLINE, Hamburg, Germany (4 July 2010). "Football Hero Siphiwe Tshabalala: 'We Brought Joy to South Africans'". SPIEGEL ONLINE
- ↑ Youth Village » 10 Things You Didn't Know about Siphiwe Tshabalala". youthvillage.co.za. 16 September 2013.
- ↑ BBC Sport - World Cup 2010 - siphiwe_tshabalala". bbc.co.uk. Archived from the original on 2 November 2014. Retrieved 6 December 2014.
- ↑ Siphiwe Tshabalala hints at Kaizer Chiefs contract renewal - News - Kick Off". kickoff.com.
- ↑ www.realnet.co.uk. "Record Soweto Derby appearances for SIphiwe Tshabalala". Kick Off. Retrieved 5 April 2018.
- ↑ Khune wins Chiefs the Cup Final". kickoff.com.
- ↑ Chiefs back to winning ways". kickoff.com.
- ↑ Tshabalala cleans up at Chiefs". kickoff.com.
- ↑ Alberto Moreno (25 August 2015). "Tshabalala scores a wonder goal". Fox Soccer. Retrieved 26 August 2015