Siyalu

SIYALU (Spring)

Siyalu yindzawo lapho kucubuka khona emantimhlaba (groundwater) ([1] lasuka engungumanti (Aquifer) [2] acubukele ngetulu kwemhlaba. Imvama siyalu sibangelwa kuphakama kwelivutelo (Water table) [3] libe ngetulu kwemhlaba, lokubangela kuvuta kwemanti asuka engungumanti enyukele ngetulu kwemhlaba. Kungako indzawo levamise kuba nesiyalu kuyindzawo lesigodzi (Valley).

TINHLOBO TETIYALU

Tiyalu Letingashi (Perennial Springs) : Leti tiyalu letigijima sonkhe sikhatsi, busika nelihlobo.
Tiyalu Letishako (Intermittent Springs): Leti tiyalu letigijima emva kwemvula noma ehlobo nalilinyenti litulu.

KUBALULEKA KWETIYALU

Emanti Ekunatsa

Tiyalu tibaluleke ngekutsi ngutona lapho bantfu netilwane batfola khona emanti ekunatsa. Etindzaweni letinyenti tasemakhaya tiyalu takhelwa kahle kute bantfu batowukhona kutfola emanti ekunatsa.

Kunisela

Etindzaweni lapho kulinywe khona tiyalu tibaluleke kakhulu nakhona, ngoba kudvonswa emanti advonselwe emasimini nasetivandzeni. Lokusho kwekutsi ekondleni bantfu netilwane tiyalu tibaluleke kakhulu.

Kwelapha

Emanti esiyalu abaluleke kakhulu ekwelapheni. Tive letinyenti e-Afrikha tikholelwa ekutsini emanti esiyalu ahlobile, ate kungcola, ngako-ke ayakhona kumelapha lowo lowanatsako, kumbe ageze ngawo. Loku kuliciniso kakhulu eluhlobeni lwesiyalu lokutsiwa ngumanzana (Hot spring) lokusiyalu lesicubuka emanti lafudvumele, lokukholelwa kwekutsi kugeza kuso kuyamelapha umuntfu.