Tenhlakanipho
- Akukho cili latikhotsa emhlane
nobe ungaba licili lelingakanani nawe kukhona lapho uyobhajwa khona
- Sisu sibekelwa ngephandle kwelugogo
umuntfu lohlakaniphile udla acabange kwekutsi kumele ongele nakusasa.
- Emanti aviwa ngeludvondvolo
ubovama kuyihlolisisa intfo ngembi kwekutsi uyingene.
- Ayihlabi ngakumisa
ungamedzeleli umuntfu ngenca yekubukeka kwakhe,awuwati emandla akhe nobe kuhlakanipha kwakhe.
- Budze abuphangwa
Ungajahi tintfo letindzala kunawe,siyeta sikhatsi.
- lofuna kuhlakanipha wakha eceleni kwelicili
lofuna kutfola lwati ngalokutsite utisondzeta kulabanelwati lolujulile ngako
- Tibanjwa ngaletikudlako
Inhlanti ibanjwa ngemsundvu,imphangele ngembila kantsi nemuntfu unako latsi nanikwe kona ente konkhe .
- Emaphikankhani afela enkhanini
longalaleli uma ekhutwa uvama kwehlelwa yingoti.
- Linyenti liyabona bubendze
intfo leyentiwa bantfu labanyenti ayivami kuphumelela
- Ayikho imphunga yelihlatsi
ungabenta bucili, ubaleke kepha ngalelinye lilanga uyotfolakala.
- lunyawo alunamphumulo
ungabotsi nawusendzaweni yakho uhlukubete nobe ukhobose tihambi ngobe awati lapho imphilo itakusa khona.
- Iyagodla nayigculwa,yehlise nayincengwa
Bubheva ngete bakuphumelelisa
- Lincele aliwubusi umuti
Umuntfu lotsatsa mawala akalungi ekubeni ngumholi