KUDLA LOKULINYWAKO

EmaSwati abekukhontile nekulima. Abephila ngako ngobe titolo betingekho njengalomuhla. Lobekulinywa kakhulu kadzeni ngummbila. Usho ufika ekhaya Iemnumzane bowuye ubone ngetikhwebu temmbila Iapha ngaphandle phasetihIahIa, utfole kulenga nje nematimba emfe Iesekoma. Angikhulumi ke etingungwini, etitsaleni nasetinyangweni. Ummbila bewutsi ungavutfwa emasimini kuphekwe Iifutfo. Lomunye wosiwe . Lomunye nawusesemanti bewusilwa kupheke sinkhwa ngawo. Bekulinywa emabele. KunetinhIobo Ietimbili temabele. Inyawotsi natjakane. Emabele abesilwa aphekwe, netjwala bebentiwa ngawo kwentiwe nelijingi ngawo. Imfe yona beyitsi nayivutfwa bese iyakhiwa. Idliwe. Bekulinywa tindlubu tona kutsiwa betitsandvwa kakhulu ngemaSwati. Kutsiwa timnandzi kwendluia konkhe kudla. betiphakelwa Iijaha nalite kutewujuma. Kulesinye sikhatsi bekutsi nakufike tinini talapha ekhaya, tiphakelwe tona tindlubu. Kutsiwa betinelidvumela Ielikhulu emaSwatini kadzeni ngobe betingakandzi. Bekubuye kuIinywe bhatata, emabele, ematabhane esintfu, emantongomane , cacajane. Kucacajane kutsiwa tiba timbili tindlu , mncane futsi unemafutsa kakhulu , bekulinywa nabhombhomu. Bhombhomu yena wenta tindlu tibe tintsantfu. Bocacajane nabhombhomu bayema batsele njengetindlubu. Bekubuye kulinywe nematsanga, emaseiwa, emajoti, Iiphuti, sikhotane nemahwabha. Lokudliwa kusekuncane yindzebe (siphungu). Ingula naseyiyindzala ingabe isadliwa.