Manzini ( Lidolobha lase Eswatini)

iThempleti:Infobox settlementIndzawo yaka Manzini (lebeyatiwa ngekutsi yi-Bremersdorp) lidolobha lelikhulu lelitfolakala Eswatini,  leliphindze libe sigodzi sakaMazini. Lelidolobha linebantfu labalinganiselwa-110 000 (2008). Yatiwa ngekutsi yi "The Hub" yase Eswatini futsi lisemgwacweni we-MR3. Indzawo lenkhulu yetimboni yase-Eswatini eMatsapha isedvutane nemncele wangasenshonalanga walelidolobha.

Umlandvo welidolobha lakaManzini

Lihhotela le The-Tum's- George kaManzini

Ngesikhatsi kuvulwa indzawo yekuhweba nga 1885,e sikhungo sekutsengisa iBremersdorp yabese ibekwa kutsi sale iba lidolobha nga-1898. Umbhali lomkhulu lokunguArthur Bremer watsengisa lelihhotela lakhe kutsi lisetjentiswe baphatsi be British Colonial labebakadze baphetse iEswatini kusukela ngemnyaka wanga- 1984 njengendlunkhulu yabo yekuphatsa yavelonkhe, futsi wabeka kutsi lendzawo yekuhlala itawubitwa ngeligama lakhe ( dorp ligama lesiBhunu lelisho "indzawo"). kwatsi ngemnyaka wanga 1960, leligama labuyela egameni lalo lekucala lesiSwati lekungu Manzini, ngekuhlonipha Sikhulu Manzini Mbokane lobekangulomunye webantfu labatsembekile kanye ne indvuna lenkhulu yeNkhosi Mbandzeni. Indvuna Manzini Mbokane bekungubabe wa Ntengu kaGama Mbokane.

Kusukela ngemnayaka wanga 1890, Lelidolobha bekuyindlunkhulu yemaBritish / emaBhunu , kepha labhujiswa nga 1902 ngesikhatsi kunekuhhwilitisana emkhatsini weMphi yema Anglo-Boer ngesikhatsi sikhungo sekuphatsa sidluliselwa eMbabane . Nomakunjalo, ngemuva kwaloko iBremersdorp yachubeka yaba indzawo lenkhulu yekutsengisa, yekulima, kanye netekutfutsa eSwatini, kwenta lelidolobha labitwa ngekutsi "The Hub." Kusukela yasungulwa ngemnyaka wa 1920, Lombukiso Wetekulima Nemishini (ligama lashintjwa ngemuva kwesikhatsi laba yi Swaziland International Trade Fair) bekungumcimbi lomkhulu kakhulu kulelive futsi loba nelizinga lebantfu labanengi labalingenelakolo kakhulu njalo ngemnyaka.

Lihhotela lekucala kusukela kwakhiwa kabusha kwe Bremersdorp ngemuva kweMphi yema Anglo/Boer lavulwa eceleni kwemfula iMzimene, ngemnyaka wanga 1915. Labitwa ngekutsi yi- Riverside Hotel, yahlala ivulekile kwaze kwaba ngumnyaka wa 1997.kwatsi ngekuhamba kwesikhatsi yashintja ligama yaba yiManzini Arms Hotel kwatsi ngemnyaka wa 1990 yaba yi Velebantfu Hotel. Letakhiwo betingakaphatfwa ngemuva kwekuvalwa iminyaka leminyenti kepha talinganiswa nga 2008 ngebatfutfukisi bangasense. I-moll yekutsengisa yavulwa kulendzawo nga-2011.

Sikhumulo setindiza kuMatsapha lesavulwa eminyakeni yema -1970s, indzawo yetekutsengiselana leyingu 10km enyakatfo. kwatsi ngemnayka wanga 2014, sikhumulo setindiza kuMatsapha savalwa, kwavulwa lesisha lesibitwa ngekutsi yi King Mswati III International Airport, leseta kutsi Manzini abe ngulona dolobha lelisondzelene nalo. Libhange letekulima e China ngilo lelinikelela ngetimali kulesikhumulo lesisha setindiza.

I-Manzini yabekwa njengelidolobha ngalokusemtsetfweni ngemnayaka wanga1994, ngesikhatsi luhlelo lwayo lwekuphatsa, maspala wakaManzini, aba nguMkhandlu Welidolobha laseManzini.

Manzini likhaya lesikolwa lesiphakeme semaNazaretha, lesatiwa kakhulu ngemculo wabo losezingeni.