Sobhuza I
Page iThempleti:Modul:Infobox/styles.css has no content.
| King Sobhuza 1st | |
|---|---|
| King of Eswatini | |
| 1820–1850 | |
| 1822 | |
| Predecessor | Ndvungunye |
| Successor | Mswati II |
| Regent | Lojiba Simelane |
| Born | 1788 Eswatini |
| Died | Eswatini |
| House | House of Dlamini |
| Father | Ndvungunye |
| Mother | Somnjalose Simelane |
Sobhuza I (lophindze atiwe nga Ngwane IV, Kumbe Somhlolo) ( watalwa ngabo 1788-1850) bekayinkhosi yase Eswatini, kusukela nga 1815 kuya ku 1850. Babe wakhe bekuyiNkhosi Ndvungunye, kantsi make wakhe bekungu Somnjalose Simelane. Wabitwa ngekutsi nguSomhlolo, ngobe ngesikhatsi atalwa babe wakhe, Ndvungunye, washaywa wabulawa ngumbane welitulu.[1] Ngesikhatsi Sobhuza ayinkhosi, Lojiba Simelane, esikhundleni samake wakhe, Somnjalose bekanguNdlovukazi ngobe Somnjaloke bekangumakoti nobe umakoti losekela Lojiba. Somhlolo yinkhosi lehlonishwa kakhulu yase Eswatini. Waba nenhlokodolobha yakhe yekucala yase Zombodze esifundzeni sase Shiselweni, kepha wayitfumela enyakatfo eZombodze lensha lese Eswatini. EmaSwazi agubha Lusuku lweSomhlolo njalo mhlaka 6 Inyoni njengeLusuku LweNkhululeko futsi inkundla yavelonkhe ibitwa ngekutsi yiSomhlolo Stadium. Sobhuza walandzelwa yindvodzana yakhe Mswati II kanye nemkakhe Tsandzile Ndwandwe njengeNdlovukazi ngemuva kwekubusa sikhashana kweNdlovukazi Lojiba Simelane. Sobhuza ngesikhatsi sekushona kwakhe bekancobe live lebelitsi lifika nalamuhla eBarberton ngasenyakatfo, eCarolina ngasenshonalanga, eMfuleni wePongola ngaseningizimu kanye nasetintsabeni taseLubombo ngasemphumalanga.[2]
Imphilo yakamuva
[hlela | edit source]Sobhuza wekucala wakhotsama ngemnyaka wa 1850 kantsi yangcwatjwa endzaweni yekungcwatjwa yasebukhosini eMbilaneni. Sobhuza washiya indvodzana yakhe Mswati II live lebelitsi lifika ku Barberton ngasenyakatfo, Carolina ngasenshonalanga, Pongola River ngaseningizimu kanye ne Lubombo Mountains ngasemphumalanga, lokukhulu kunaloku lokukhona lamuhla e-Eswatini.[2] Emacembu lancotjwa ngaphambi nangesikhatsi sekubusa kwaSobhuza abitwa ngekutsi yi-Emakhandzambili.