Tinhlobo tekudla Kwesintfu
Kudla kwesintfu, bekukudla lokunelidvumela kakhulu emaSwatini, Futs’emaSwati sive lesitigcabha kakhulu ngekudla kwesintfu ngobe kukudla lokunemphilo, lokuvikela ntifo, kuwente acine emasotja emtimbeni, abe nemandla.[1]
- Emasi
Lubisi lolubekwe lwate lwavutfwa lwalata kwase kukhanywa umlaza. Emasi adliwa avutjelwe ngeticaba temmbila noma temabele , kantsi ayanatfwa noma angakavutjelwa.
- Sishwala
sona baye basibite batsi insontfwana kumbe batsi inshwamphulutane, kantsi kuyehluka. Labanye batsi inshwamphulutane iphekwa ngemanti emashica, labatsi emavuya kuba ngemanti lamunyu, sishwala-ke kutsiwa kuphekwa tindlubu, bese kusilwa imphuphu yemmbila itselwe kuletindlubu, kubondvwe, kutsi kungavutfwa, kudliwe.
- Libhedla
kudla kwesiSwati lokuphekwa ngekutsi kutsatfwe umbhidvo wetintsanga nelitsanga lelisele liphekiwe bese kusilwa ummbila lomusha wentiwe inhlama, sekuyahlanganiswa, Kuyabondvwa kutsiwe libhedla. Kuye kudliwe netibhidvo, bapheke umbhidvo wetintsanga, imbuya,umsobo, likhwa, lomahlalela, ligusha kuphekwe nelilasha. Lilasha kusuke kungumbhidvo lophekwe wangabondvwa.
- Imbasha
Ngummbila lokhantingiwe eludzengelweni nalokunye, ubhashwa ungakasilwa, kubhashwa ngetindlubu noma emantongomane.
- Incwancwa
Kudla lokuphekwa ngemphuphu noma ngenhlama lelatisiwe yaba munyu. Lijingi emaSwati ayalitsandza. Lijingi nobe incwancwa kadzeni kutsiwa incwancwa beyihhaywa bese itselwa embiteni. Sekufutfunyetwa emanti, atselwa khona embiteni, kuyatsatfwa kubekwa elangeni khona kutekwelata kutsi kungalata kusengwe lamanti kuphindze kuhhaywe futsi, bese kubekwa etiko.Sewutsatsa lenhlama uyayibhuca sewuyayitsela bese kuyavutfwa njalo Sebayaphakela.
- Liphalishi
Ngulelinye ligama lekudla kwesintfu lokuphekwa ngemphuphu. Leligama selaba siswati kantsi imvelo yalo Singisi.
- Inembe
Lijingi letinswane leliphekwa lingakalatisiwa.
- Bhatata
Silimo lesitsela sibe tingundzangundza ngaphasi kwemhlaba.
- Bubendze
Kudla lokwentiwe ngemahlwili engati yesilwane lesihlatjiwe.