Umlingisi Kabila Mulengela

Aimée Kabila Mulengela (24 July 1976 - 16 January 2008) bekayindvodzakati ya Laurent-Désiré Kabila, umengameli we Democratic Republic of the Congo (DRC). Wabulawa bantfu labahlome ngetibhamu ekhaya lakhe mhlaka 16 Januwari 2008. Ngesikhatsi abulalwa bekaniketwe ipasiphothi njengendvodzakati yaKabila, ngemuva kwekushona kwakhe hulumende watsi bekangasihlobo nalomengameli wangembili.

Kuphila

Aimee bekangumntfwana wangaphandle Laurent-Désiré Kabila kanye naZaïna Kibangula.[1] Ngaleyo ndlela bekatawuba ngudzadzewabo waMengameli Joseph Kabila.[2] Watalwa mhlaka 24 Kholwane 1976 eKipushi, eDemocratic Republic of Congo.[3] Laurent- Désiré Kabili wabulawa mhlaka 16 Januwari 2001 eKinshasa futsi ngemuva kwemalanga lalishumi walandzelwa yindvodzana yakhe Joseph Kabila.[4].

Umnakabo Aimée, Etienne Taratibu Kabila, washiya iKinshasa ngasense ngenyanga yaBhimbidvwane 2002 waya eNingizimu Afrika. Abefuna kutsatsa Aimée naye kepha loko bekungeke kwenteke ngoba bekangumake webantfwana labane.[2] Nga-25 Indlovana 2005 washada na-Alain Mayemba Bamba, lowatiwa ngekutsi ngu "Barracuda".[1][lower-alpha 1] Wakhishwa ipasiphothi ye-diplomatic ngeligama lelitsi "Aimée Kabila" nga-7 Imphala 2005.[3]