DJ Black Coffee

Nkosinathi Innocent Maphumulo (watalwa mhlaka 11 Indlovu 1976), lowatiwa nga-Black Coffee, ungu-DJ wase Ningizimu Afrika, umkhiciti welirekhodi kanye nembhali wetingoma. Coffee wasungula lirekhodi lakhe leSoulistic Music, waphindze wakhipha i-albhamu yakhe yekucala lebeyinesihloko lesitsi Black Coffee (2005), lebeyifaka tintfo te-R&B ne-jazz.

Umsebenti wakhe wacala ngemnyaka wa 1994 futsi wadvuma ngemuva kwekuhlanganyela ku 2004 I-Red Bull Music Academy, kusukela lapho ukhiphe ema-albhamu layimfica, kanye ne-DVD lekhona.

Kuwo wonkhe umsebenti wakhe wemculo, kudvunyiswa kwakhe kufaka ekhatsi: 8 SAMA, 4 DJ Awards, 2 Metro FM Awards kanye 1 Grammy award.

Imphilo yakhe yekucala

Nkosinathi Innocent Maphumulo watalwa mhlaka 11 iNdlovu 1976 iThekwini, eNingizimu Afrika. Ngekuhamba kwesikhatsi watfutsela e-Umtata, lidolobha lelingemakhilomitha langu-29 kusuka ekhaya laNelson Mandela esifundzeni saseQunu.