Mzwanele Manyi

  Mzwanele Jimmy Manyi ( 20 Januwari 1964) ungusopolitiki wase Ningizimu Afrika, somabhizinisi, mchumanisi wetekuchumana, kantsi bekabuye abe sisebenti sahulumende. Bekangumkhulumeli losemtsetfweni waMengameli wangaphambilini Jacob Zuma kanye ne-Jacob G. Zoma Foundation kusukela nga-2021. Emkhatsini waFebhuwari 2011 kuya ku-Agasti 2012, bekangumkhulumeli losemtsetfweni wahulumende wase Ningizimu Afrika futsi angumholi we-Government Communication and Information System (GCIS).

Ngaphambi kwekutsi angene kuhulumende nga-2009, Manyi bekasebenta emkhakheni wetinkampani lokufaka phakatsi ebhange nasetinkampanini te-blue-chip. Ngaleso sikhatsi, waphakama esikhundleni waba ngummeli lowatiwako wekuniketa emandla kutemnotfo webantfu labamnyama i BEE, usihlalo we-Commission for Employment Equity, kanye nemengameli we Black Management Forum. Sikhatsi sakhe kulesikhundla, kusukela nga-2006 kuya ku-2012, sahlangana nemsebenti wakhe kuhulumende, futsi kwaholela ekutseni ngemnyaka wa-2011 kutfolakale kutsi Manyi wehlulekile kulawula lokuphikisana lokwaba khona.

Imphilo yakhe

Manyi bekatiwa ngaJimmy kwate kwaba ngumnyaka wa 2015, lapho acala kubitwa ngekutsi nguMzwanele. Ngekusho kwaManyi, wancuma kwenta lolushintjo ngesikhatsi sekubhikisha kwe-Rhodes Must Fall nga-2015, ngelilanga lelifanako lapho sitfombe sa-Cecil Rhodes sabhidlitwa khona eNyuvesi yase Cape Town. Nyalo ulahla leligama ngenhlitiyo yonkhe, njengentfo yekwehlukana nemakholonisi, kantsi waphindze watjela i-Sunday Times nga-2017 ngalesincumo: