Jump to content

Ngwane V

From Wikipedia
Ngwane V
Inkosi yase Swatini

Bhimbidvwane 1895 - iNgongoni 10, 1899
← Mbandzeni - Sobhuza II →
Kutalwa1876
Umbuso weSwatini
Zombodze, iNgongoni 10, 1899
Mbandzeni
MotherNdlovukati Labotsibeni Gwamile Mdluli
Lomawa Ndwandwe
Sibling
view
Luoi
Luoimonarch (en) Translate and traditional leader or chief (en) Translate
Astronaut

Ngwane V ( watiwa ngekutsi ngu Mahlokohla ) bekayiNgwenyama yelive lakaNgwane. Ngwane watalwa yiNkhosi Mbandzeni nekhosikati Labotsibeni Mdluli.

Bhunu (wabusa ngekutsi nguNgwane V ; waphindze watiwa ngekutsi nguMahlokohla noma Hhili ; mhlaka 11 Inkhwekhweti 1876, tingu10 Ingongoni 1899) abeyiNkhosi yaseSwatini kusukela nga-1895 kwaze kwaba sekufeni kwakhe mhla tinge-10 Ingongoni 1899. Bekayindvozana yeNkhosi Mbandzeni neNdlovukati Labotsibeni Mdluli . Wakhuphukela esihlalweni sebukhosi ngemuva kwesikhashane beNdlovukati Make Labotsibeni ngemuva kwekushona kwababe wakhe. [1]

Libito lakhe belisho Bhunu, labitwa ngubabe wakhe iNkhosi Mbandzeni ngesikhatsi atalwa nga 1876 ngesikhatsi sekusebentisana emkhatsini weMbuso wema Swati kanye nebahlali bema bhunu ("emaBhunu").

Mhlaka 3 Inhlaba 1890, Bhunu loneminyaka lelishumi nakune budzala wakhonjiswa sive kungakapheli umnyaka wekulilela babe wakhe iNkhosi Mbandzeni. Wabekwa ngalokusemtsetfweni njengeNkhosi aneminyaka lengu 19 nga 1895 futsi bekaneminyaka lengu 23 kuphela ngesikhatsi ashona ngemnyaka wa 1899. Inhlokodolobha yakhe yasebukhosini beyiseZombodze kantsi indzawo yekuhlala ye Ndlovukati beyiseLobamba . [2]

Bhunu waba yinkhosi ngemuva kweSivumelwano saseSwatini nga 1894, sivumelwano lesabeka iSwatini njengelive lelivikelekile kuRiphabhulikhi yaseNingizimu Afrika ngaphansi kwaMengameli Paul Kruger.

Ngalesikhatsi iSwatini beyinekuphatsa lokuyincenye kwemaDutch lokuhambisana nekuphatsa kwaBhunu. Inkhokhelo yemnyaka beyentiwa ku Bhunu na Labotsibeni nguhulumende wa Kruger kusuka emtselweni lebeyibutfwa kanye naseminikelo levela ku concessionaires kanye nemtselo.

Nga 1899, imphi yema Anglo-Boer yacala, futsi yacedza kuphatfwa lokuyincenye kwema Dutch noma Bhunu eSwatini loko kwanika indlela yekutimela. Noma kunjalo Mahlokohla washona mhlaka -10 Ingongoni ngalowo mnyaka wekugidvwa incwala . [2]

Kufa kwakhe kwafihlwa esive kwaze kwaphela umkhosi we incwala. Bhunu walandzelwa yindvodzana yakhe lenetinyanga letine Sobhuza II kanye nenina wakhe Lomawa Ndwandwe . Unina Labotsibeni lobekanemandla lamakhulu ngesikhatsi sekubusa kwakhe wachubeka waba yindlovukati kwaze kwaba ngulapho Sobhuza abekwa umchele nga 1921. Kubusa kwaBhunu kwanika indlela yendzawo lesimeme letungeletwe tifundza letiphikisanako. Namuhla Mahlokohla ibitwa ngalesinye setitaladi letinkhulu, Sitaladi saseMahlokohla enhlokodolobha yaseSwatini iMbabane.

Tinkhomba

[hlela | edit source]
  1. ↑ Cite error: Invalid <ref> tag; no text was provided for refs named "auto".
  2. 1 2 14–16.