Panyaza Lesufi
Andrek "Panyaza" Lesufi (watalwa mhlaka 4 Inyoni 1968) ungusopolitiki wase Ningizimu Afrika nguNdvunankhulu wesifundza saseGauteng kantsi wakhetfwa kutsi abe ngundvunankulu kwekucala ngenyanga yeMphala 2022. Ngaphambilini abelilunga le-Executive Council (MEC) yeMfundvo kuHulumende wesifundza saseGauteng emkhatsini waMeyi 2014 kuya ku-Okthoba 2022, ngaphandle kwemalanga lamabili njenge-MEC yeTimali ngaMeyi 2019 [1]
Lesufi, bekangumlweli welubandlululo kantsi uke waba ngundvunankulu wetemfundvo, wacala umsebenti wakhe wetembusave ekuphatfweni kwemphakatsi kanye nasekuchumaneni kuhulumende wase-Ekurhuleni, eGauteng kanye nakuHulumende wavelonkhe, lapho asebenta khona kuLitiko Letemfundvo Lesisekelo kusukela nga-2009 kuya ku-2014. Wakhetfwa kwekucala kutsi abe lilunga leSishayamtsetfo Sesifundza saseGauteng nga-2014. Ulilunga le-I-African National Congress (ANC) futsi usebente ku-Gauteng Provincial Executive Committee kusukela nga-2007; wakhetfwa kutsi abe ngusihlalo welicembu ngenyanga yeNhlaba nga 2022. Uphindze abe lilunga leLicembu lemaKhomanisi laseNingizimu Afrika futsi abe lilunga laKomidi Yekwengamela ye-ANC.