Paul Mashatile

Paul Shipokosa Mashatile ( 21 Imphala 1961) ungusopolitiki wase Ningizimu Afrika kantsi uphindze abe lisekela Mengameli wase Ningizimu Africa wesi-9 kusukela ngenyanga yeNdlovu 2023. Waba liSekela laMengameli we African National Congress (ANC) ngenyanga yeNgongoni nga 2022. Ngaphambi kwekutsi akhetfwe kulesikhundla, bekangu-ANC Treasurer General kusukela ngaDisemba 2017 futsi bekangumabhalane jikelele we-ANC kusukela ngaJanuary 2022.

Mashatile bekake waba ngumlweli welubandlululo ku-United Democratic Front, abelilunga leKhabhinethi yekucala yaMengameli Jacob Zuma, asebenta njengeNdvuna yeTebuciko Nemasiko emkhatsini wa-2010 na-2014. Ngaphambi kwaloko, bekanguNdvunankhulu wesifundza saseGauteng kusukela nga-2008 kuya ku-2009. Emkhatsini wa-1996 na-2008, kantsi emkhatsini wa-2014 na-2018, bekaphetse tikhundla letinyenti tahulumende wesifundza saseGauteng. Uhlala anethonya lelikhulu eGauteng, esifundzeni sakubo, lapho bekaphindze abe nguSihlalo weSifundza se-ANC emkhatsini wa-2007 na-2017.

Imphilo yakhe

Mashatile unemadvodzana lamabili kanye nemadvodzakati lamabili. Umkakhe, Manzi Ellen Mashatile, washona ngaJulayi 2020. NgaNovemba 2020, wasungula i-Manzi Mashatile Foundation kute akhulise tinhlelo tetemfundvo ngekukhumbula kwakhe.