Thomas Mtobi Mapikela
Thomas Mtobi Mapikela (1869-1945) bekangulomunye webasunguli be-South African Native National Congress leyasungulwa nga-1912 futsi, nga-1923, yaba yi-African National Congress. Bekangumbati ngemsebenti wakhe, kepha ngekushesha wadlala indzima lebalulekile kutembusave, kantsi watiwa ngekufaka sandla ekutfoleni intsandvo yelinyenti eNingizimu Afrika.
Indlu yaseMapikela kanye nekubaluleka kwayo
[hlela | edit source]
Indlu yeMapikela lenemakamelo lalishumi nakubili itfolakala ku-stand number 22093 eBato Location eBloemfontein. Itfolakala ekoneni lemigwaco i-Community ne-Makgothi. Lendlu yaba yindzawo yekuhlangana ye-ANC kanye nemphakatsi. Endzaweni lephakeme yesitebhisi lesiholela emnyango longembili wendlu, lesifihlwe kancane ngesitebhisi sesibili, kunemibhalo 'Ulundi-Kaya' lechaza 'indlu yemkhatsi'. Sikhatsi lesitsite, bekukholelwa kutsi lendlu bekuyindzawo yekusungulwa kwe-ANC, kodvwa lucwaningo luphetse ngekutsi bekungasinjalo. Lendlu yakhiwa emkhatsini wa-1923 na-1926.