Umlandvo wemaSwati
Umlandvo wemaSwati
[hlela | edit source]Umlandvo wesive semaSwati mudze ngoba emaSwati yinhlanganisela yetinhlanga letinyenti letidzabuka etindzaweni letinyenti te-Afrikha kantsi futsi lebetikhuluma tilwimi letingefani letaphindza tafika ngetikhatsi letehlukene kulelive lesekutsiwa yiSwatini kanye nesifundza seMpumalanga, eNingizimu Afrika.
Makhandzambili
[hlela | edit source]Makhandzambili nguleto tibongo letafika kucala eSwatini kanye nesifundza seMpumalanga. Imvelaphi yaletinhlanga yehlukene – labanye badzabuka ebeSutfwini, labanye beNguni. Nakulinganiswa iminyaka labefika ngayo kuyabonakala kwekutsi emaKhandzambili efika ngeminyaka yabo-1500.
Bemdzabu
[hlela | edit source]Nakukhulunywa ngebemdzabu kushiwo labo labefika kanye nebakaDlamini. Kufika kwabo bebachamuka ngale kweLubombo eveni lemaTfonga lapho sekuyiMozambikhi khona lamuhla. Ekuchamukeni kwabo befika baholwa nguDlamini III. Kungako uma bananatelwa kutsiwa ngulabacedza Lubombo ngekuhlehletela.
Emafikamuva
[hlela | edit source]Inkhosi Mswati II bekuyiNkhosi lephuma timphi, lehlabanako lokwenta kwekutsi kube naletinye tinhlanga letincotjwako, ikakhulu eNyakatfo eSwatini lapho bekwakhe baPedi khona; leto tive tatiwa ngemafikamuva.